Tunakupatia udhibiti wa suala zima la usalama
Kubaki salama katika kila safari
Mchague abiria wako
Kabla ya kukubali ombi, angalia mahali anapoenda abiria, jina, picha yake ya wasifu pamoja na ukadiriaji wake. Kubali tu safari zinazokufaa zaidi
Uthibitishaji wa wasifu
Ili kuhakikisha abiria ni watu halisi, huwa wanathibitisha utambulisho wao kwa kujipiga picha. Tunalinganisha picha hizi na picha waliyoweka kwenye wasifu ili kuzuia matumizi ya picha za watu wengine au za uongo
Orodha ya usalama
Tunafuatilia maombi ya safari ili kubaini shughuli zozote hatarishi. Endapo itahitajika, tutazuia akaunti za watumiaji ili kuhakikisha matumizi yako ya huduma ni salama
Unalindwa katika kila hatua ya safari yako
Mambo ambayo kila dereva anapaswa kufahamu
Mwenendo wa Jumla
Usimchukue abiria ukiwa umebeba abiria wengine na uepuke kuomba pesa ya ziada au bakshishi. Mjali abiria wako, muonyeshe heshima na uendeshe gari kwa usalama muda wote
Uchovu ni dalili mbaya
Ni hatari sana kuendesha ukiwa umechoka. Tafadhali usikubali safari yoyote ikiwa unahisi umechoka au hujisikii vizuri
Jali chombo chako cha usafiri
Kabla ya kila safari, hakikisha kuwa gari lako ni safi na lina hewa ya kutosha. Mara zote kumbuka kujaza mafuta kabla ya kukubali ombi la safari
Sasisha wasifu wako
Je, umepata chombo kipya cha usafiri au umebadili mwonekano wako? Basi hakikisha unabadilisha taarifa hizi kwenye wasifu wako ili abiria waweza kukutambua
Msaada wa usalama wa mapema
Shiriki maelezo ya safari yako
Wajulishe marafiki au familia mahali ulipo – kwa wakati halisi na moja kwa moja kupitia app
Piga simu wakati wa dharura
Bofya kitufe kwenye skrini ya safari ili kupiga huduma za dharura
Usaidizi muda wote
Usaidizi kiganjani mwako: Kituo cha usalama → Wasiliana na usaidizi
Mawasiliano ya dharura
Hifadhi namba za simu za watu unaowaamini kwenye app — nasi tutawajulisha ikitokea dharura yoyote
Hatua za ziada za usalama
Namba yako hubaki siri
Unapopiga au kutuma ujumbe kwa abiria kupitia app yetu, hawawezi kuona namba yako ya simu
Kumchukua abiria sahihi
Kabla ya kuanza safari, hakikisha umemchukua abiria sahihi. Hii huhakikisha usalama kwa wote na kuepusha makosa
Abiria wenye watoto au wanyama wa kufugwa
Wajulishe abiria wako kama gari lako lina viti vya watoto au ikiwa unaweza kubeba wanyama ndani ya gari
Fuata sheria
Siku zote hakikisha unafuata sheria za barabarani na uko makini na watembea kwa miguu. Usalama wa kila mtu ni muhimu
Saa za msongamano
Kuwa na ufahamu juu ya uwepo wa misongamano kabla ya kukubali safari. Baki katika hali ya utulivu hususan kunapokuwepo na magari mengi barabarani
Heshimu faragha
Faragha ya abiria ni muhimu. Epuka kuuliza maswali yanayogusia mambo binafsi na hakikisha taarifa za abiria zinabaki siri
Toa ukadiriaji kwa abiria
Maoni yako husaidia madereva wengine kufahamu zaidi kuhusu abiria wanaowachukua
Angalia kama kuna vitu vimesahaulika
Baada ya kila safari, kagua gari lako ili kuona kama kuna vitu vimesahaulika. Abiria wako watakushukuru sana!
Pitia historia ya safari
Unaweza kupitia maelezo ya safari zako zilizopita katika historia ya safari. Hii inasaidia pale panapotokea migogoro yoyote na kukuwezesha kufuatilia safari zako
Endapo tukio litaripotiwa
- 1
Baada ya tukio kuripotiwa, tutafunga akaunti zilizohusika kwa muda.
- 2
Tutafanya uchunguzi, tutawasiliana na mamlaka husika inapohitajika, na kutoa msaada
Usalama kwa wote
