Tunataka sote tuwe na ufahamu sawa kuhusu usalama
Hivyo, tunauita ukurasa huu maafikiano ya usalama ambayo ni ushirikiano kati ya pande 3: abiria, madereva na inDrive, yakiwa na majukumu yetu ya pamoja kwa kila safari
Usalama katika inDrive
Heshima kwa wote
Tafadhali mheshimu dereva wako, gari lake, faragha yake na jitahidi kutomkaribia sana bila ridhaa yake. Kumbuka kumsalimia dereva wako na kumshukuru kwa safari pamoja na msaada wowote aliyokupatia na mizigo yako. Mambo madogo kama haya hufanya safari iwe njema zaidi kwa wote
Mtu mmoja, akaunti moja
Tafadhali usitumie akaunti yako ya inDrive na wengine. Wakati wa kutumia akaunti yako, unawajibika kwa matendo yako. Pia, inawasaidia madereva kukutambua kwa urahisi zaidi
Hakuna ubaguzi
Hatukubali kabisa ubaguzi wa aina yoyote. Tafadhali kuwa na utu na umuonyeshe dereva wako heshima muda wote
Viwango vya juu vya usalama katika app
Uhuru wa kuchagua
Mchague dereva wako au mchague abiria wako — wewe ndio unayeamua nani utasafiri naye
Vipengele vya usalama
Shiriki eneo lako na uwafahamishe watu unaowaamini juu ya mahali ulipo. Wasiliana na huduma za dharura au ujipatie msaada wa haraka kutoka kwa Timu yetu ya Usaidizi, wakati wa hali ya dharura
Safari yako ni ya uhakika
Tunakuhakikishia safari ya uhakika kutokea mwanzo hadi mwisho
…na vipengele vingine vingi
Usalama kwa dereva na abiria
Usalama wa wateja wetu ni jambo la muhimu sana hapa inDrive kama ilivyo kuhakikisha uadilifu katika biashara na fursa sawa kwa wote
Arsen Tomsky, Mkurugenzi Mtendaji wa inDriveKutoka Maafikiano hadi Vitendo
inDrive inazindua bima mpya kwa ajili ya madereva nchini Meksiko!
inDrive yanadi matokeo ya mradi wa usalama wa wanawake wa Meksiko
Ufichuzi wa ukweli: ripoti yetu ya kwanza ya usalama nchini Peru!
Maswali yanayoulizwa mara kwa mara
Je, inDrive ni salama?
Usalama ndiyo kipaumbele chetu cha kwanza hapa inDrive. Tumetekeleza vipengele kadhaa ili kuhakikisha usalama wa kila mtumiaji, ikiwa ni pamoja na usaidizi saa 24, uthibitishaji wa utambulisho na taratibu za kukabiliana na matukio. Watumiaji wanaweza kupitia wasifu wa abiria na madereva ili kuwepo na udhibiti pamoja na uwazi zaidi. Tunapoendelea kuboresha hatua zetu za usalama, tunahimiza watumiaji wetu kuwasiliana na timu yetu ya usaidizi au mamlaka husika pindi wakiwa na tatizo/wasiwasi unaohitaji utatuzi wa haraka.
Je, inDrive inawapatia abiria vipengele gani vya usalama?
inDrive inawapatia abiria vipengele mbalimbali vya usalama:
- Uhakikisho wa dereva: Chagua Dereva Wako na Madereva Waliothibitishwa.
- Faragha na ulinzi: Kulinda Faragha Yako na Kushiriki Maelezo ya Safari Yako.
- Usaidizi wakati wa dharura kutoka kwetu: Kitufe cha Simu ya Dharura, Anwani za Dharura na Usaidizi saa 24 kutoka inDrive.
Je, inDrive inawapatia madereva vipengele gani vya usalama?
inDrive inawapatia madereva vipengele mbalimbali vya usalama:
- Mjue abiria wako: Mchague Abiria Wako, Uthibitishaji wa Wasifu na Mlisho Salama.
- Msaada wakati wa dharura: Piga Simu ya Dharura, Shiriki Maelezo ya Safari Yako na Anwani za Dharura.
- Msaada unaopatikana muda wote: Usaidizi wa saa 24 kutoka inDrive, moja kwa moja kupitia app yetu
Je, taarifa zangu binafsi zinabaki salama nikitumia inDrive?
Huhitaji kuwapatia watumiaji wengine wa inDrive nambari yako ya simu, unaweza kuwasiliana moja kwa moja na dereva au abiria wako kupitia app. Ili upige simu, bofya aikoni ya simu kisha ipatie app ruhusa ya kufikia maikrofoni (ikiwa utaombwa ufanye hivyo). Ili utume ujumbe, bofya aikoni ya gumzo; tiki mbili huashiria kuwa ujumbe wako umefika.
Nini hutokea ikiwa tukio litaripotiwa?
Tukio linaporipotiwa, inDrive hufungia kwa muda akaunti za waliohusika. Tutafanya uchunguzi wa kina kisha kuchukua hatua stahiki na ikihitajika, tutashirikiana pamoja na vyombo vya ulinzi na usalama. Vilevile, usaidizi unapatikana saa 24 kutoka kwa timu yetu mahiri ya usalama inayojitolea kwa dhati.
