inDrive ki bunyaad ek hi mission par qaim hai — na-insaafi ko challenge karna aur musbat tabdeeli paida karna.
Na-insafi ko challenge karte hue, 2030 tak duniya ko aik arab se zyada logon ke liye aik munsifana jagah banana
Hamara mission khud inDrive ki tareekh se janam leta hai. Company ki bunyaad 2012 mein Yakutsk ki sakht sardiyon ke dauran taxi kirayon mein ghair munsifana izafe ke khilaf uthaye gaye ek qadam se pari
Arsen Tomsky, inDrive ke CEO
Paeedaar Taraqqi ki Strategy
Kayi salon se, hum duniya par apne musbat asraat ko barhane ki koshish kar rahe hain, hamare mission aur strategic maqsad ke tehet hum na insafi ko challenge kar ke duniya ko aik arab se zyada logon ke liye aik munasif jagah banane ki jastju mein hain.
Hamara har faisla aur har operation hamari zameen aur muashray par asar daalta hai—chahe woh musbat ho ya manfi. In asraat ko soch samajh kar aur zimmedari ke saath manage karna hamari zimmedari hai. Is maqsad ke liye zaroori hai ke hum manfi asraat ki nishandahi karke unhein kam karein aur musbat asraat ko mazeed barhawa dein. Saath hi, hum apne tariqa-e-kar ko mutaliqa standards ke mutabiq hum-ahang rakhte hain taake un par mukammal taur par amal ko yaqeeni banaya ja sake.
Samaji, maholiyati aur governance (ESG) asraat ko moassar andaaz mein manage karne ke liye hamari commitment, triple bottom line approach ko ikhtiyar karne aur apni pehli ESG strategy ke zariye wazeh hoti hai, jise pesh karte hue humein khushi mehsoos ho rahi hai.
Hamari ESG strategy ka bunyadi maqsad zimmedarana karobari rawaiye ke liye hamare approach ko munazzam banana aur usay hamare tamam business processes ka hissa banana hai. Is se yaqeeni banaya jata hai ke tamam business functions apne asraat ko manage karne ke liye ESG ki requirements, recommendations aur standards ke mutabiq yaksa aur mustaqil iqdaamaat par amal karein.
Paaidaari ki hikmat-e-amli
inDrive tamam 17 Sustainable Development Goals (SDGs) ke saath hum-ahang hai aur un ki aalami ahmiyat ko tasleem karta hai.
SDGs ka maqsad 2030 tak paeedaar taraqqi ko farogh dena aur tamam logon ke liye zindagi ke mayar ko behtar banana hai. Hamari commitment, taham, un 9 priority SDGs par markooz hai jo hamare strategic mauzuaat se talluq rakhti hain. In aham SDGs par kaam karke hum maani khez aur dairrpa asar paida karne ki koshish karte hain aur sab ke liye ek paeedaar mustaqbil ki tameer mein apna hissa daalte hain. (Mazeed SDGs ke baare mein jaanne ke liye yahan clickkarein)
9SDGs
Achi sehat aur khushhaali
Mayari taleem
Jinsi barabari
Ba-izzat rozgaar aur maashi taraqqi
Sanat, ijaad aur infrastructure
Adam masawat mein kami
Paeedaar shehar aur muashray
Mausamiyati tabdeeli ke khilaf amal
Aman, insaf aur mazboot idaray
Hamare strategic mazameen
Muashra
Kamzor communities ko baikhtiyar banana
Barhti hui samaji na-insafi ke muqable mein communities ko baikhtiyar banana inDrive ki pehchan, hamare DNA, business model aur mission ka bunyadi hissa hai. Company ke andar inVision, jo inDrive ka ek aham hissa hai, afrad ko baikhtiyar bana kar communities mein musbat tabdeeli lane ke liye purazm hai.
Asardar IT startups ki parwarish aur taraqqi ko farogh dena
Ek IT company hone ke nate, hamare paas yeh munfarid mauqa hai ke hum technology ko muashray, mahol aur economy ke faide ke liye istemal karein. Yeh wabastagi hamare business model se gehra taluq rakhti hai aur isi se hamari pehchan tashkeel paati hai.
Mehfooz rides aur services ko yaqeeni banana
inDrive ke jadeed platform ke zariye faraham ki jane wali ride-hailing aur mobility services hamare business ka markazi hissa hain.
Mayari services ko farogh dena
Hum is baat par yaqeen rakhte hain ke behtareen mayar ki khidmaat faraham karne se logon ko safar ke behtar options milte hain, jo aakhirkar un ke meyar-e-zindagi ko behtar banane mein madadgar sabit hote hain.
Apni salahiyaton ki himayat aur taraqqi ko farogh dena
Nihayat maahir, ba-salahiyat aur purjosh team hi inDrive ki kamyabi ki bunyaad hai. Yahi team humein apne tijarati maqasid hasil karne aur na-insafi ko challenge karne ke apne strategic mission ko aage barhane mein aham kirdar ada karti hai.
Apni sar-garmiyon aur khidmaat mein tanawwu, musawat aur shumuliyat ko farogh dena
Tanawwu, musawat aur shumuliyat ko farogh dene ki hamari koshishein samaji na-insafi ko challenge karne ke hamare mission ka aham hissa hain. Hamari wabastagi sirf apne mulazmeen tak mehdood nahi, balkeh hamare tamam sarifeen tak pheli hui hai. Hum apni services is tarah behtar banane ki koshish karte hain ke woh inDrive ke tamam sarifeen ki mukhtalif zarooriyat ko samjhein aur unhein poora karein, taake har shakhs ke liye rasai aur barabari ke mauqe yaqeeni banaye ja sakein.
Fair play hamara bunyadi usool hai – aur yeh sirf business tak mehdood nahi
Isi liye hum ne inVision banaya – jo inDrive ka ek ahem hissa hai, aur jo taleem, creative industries, startups aur sports mein na-insaafi se wasail ki taqseem ko challenge karta hai, aur in illaqon mein kamzor aur mehroom tabqon ki madad karta hai.