inSuppliers
Hamare supplier partners ke liye
Khareedari se Adaigi tak ka Amal
- 1
inDrive ek Purchase order tayyar karta hai
Jab supplier onboard ho jata hai aur agreement final ho jata hai, to mutafiq shuda services, pricing aur quantity ki bunyaad par ek purchase order tayar kiya jata hai. Har purchase order ko ek munfarid number diya jata hai aur ise email ke zariye barah-e-raast supplier ko bhej diya jata hai.
- 2
Supplier payment ke liye invoice Accounts Payable department ko jama karwata hai
Purchase order milne ke baad, supplier invoice bhejta hai jisme PO number aur Bill-To entity ka hawala hota hai jo purchase order par mentioned hota hai. Yeh invoice Accounts Payable ko bheja jata hai. Barah-e-karam invoices us email address par bhejein jo purchase order par diya gaya hai.
- 3
Supplier ko adaigi ki jati hai
Invoice process hone ke baad, inDrive ka Accounts Payable department invoice ki tareekh aur adaigi ki sharaait ke mutabiq supplier ko payment karta hai. Agar koi sawal ho to barah-e-karam hum se email ke zariye rabta karein: procurement-team@indrive.com
Aksar poochay jane wale sawalat
Main inDrive ke liye aik supplier kaise ban sakta hoon?
Agar ap inDrive ke liye supplier banne mein dilchaspi rakhte hain, to barah-e-karam is page par dastiyaab "Supplier Form" form ko mukammal karein, aur hum apki tajweez par ghor karein ge.
Supplier Onboarding process ke tehat, apko portal mein sign in karne aur darj zail dastawaizaat jamma karwane ke liye kaha jaye ga:
• Company registration certificate (ya musavi qanooni dastawaiz)
• Tax ID certificate
• Bank account ki tafsilat (sarkari khat ya bank statement)
Invoicing requirements kahan milengi?
Ap invoicing ke amal aur zarooriyat ke baare mein tafseeli hidaayat upar "Invoice Banane ka Tareeqa" section mein hasil kar sakte hain. Apni adaigion ki bar waqt processing ko yaqeeni banane ke liye barah-e-karam isse dhyan se parhein.
mujhe kab aur kaise adaigi mile gi؟
Payment ki sharaait aur tareeqay apke individual Agreement mein wazeh kiye gaye hain. Aam tor par, hum post-payment basis par kaam karte hain, jis mein services ya samaan ki kamyabi se delivery hone aur sahi tareeqey se invoice submit hone ke baad 30 din ke andar payment ki jati hai.
Main Procurement Team se kaise raabta kar sakta hoon?
Agar apke sawaalat hain ya apko madad ki zaroorat hai, to ap email ke zariye hum se raabta kar sakte hain:
procurement-team@indrive.com.
Hamari team jald az jald apki inquiry ka jawab degi.
Supplier banne ke liye darkhwast dein
inDrive ke sath kaam karna chahte hain? Hamare Potential Supplier Database mein shamil hone ke liye yahaan darkhwast dein