Hum chahte hain ke hifazat ke mamle mein hum sab ek hi safhe par hon
Aur isi liye, hum is page ko apne safety pact ka naam de rahe hain – aik 3 tarafah ittehad jo musafiron, drivers aur inDrive ke darmiyan hai, jis mein har ride ke liye baahmi zimmedariyan hain.
inDrive par hifazat
Sab ka ehteram
Apne driver, unki gaari, unki zaati hadood aur privacy ka ehteram karein. Safar ke aaghaz par unhein salam karein aur ride ke baad, ya samaan uthane mein madad ke liye un ka shukriya ada karein. Aisi chhoti chhoti baatein har kisi ke safar ke tajurbe ko zyada behtar aur khushgawar bana deti hain
Aik shakhs, aik account
Barah-e-karam apne inDrive account ko dusron ke sath share na karein. Apna account istemal karte waqt, ap apne aamal ke zimmedar hain. Yeh hamare drivers ko apko aasani se pehchaanne mein bhi madad karta hai
Koi imtiazi sulook nahi
Hum kisi bhi qism ke imtiazi sulook ke khilaf zero tolerance ki policy rakhte hain. Barah-e-karam apne driver ke sath izzat aur ehteram se pesh aayen
App mein hifazat ke aala mayaar
Intikhab ki azadi
Apna driver ya passenger khud chunnein — faisla apka hai ke ap kis ke saath safar karna chahte hain.
Hifazati features
Apni location share karein aur apne qabil bharosa rabtay ko batain ke ap kahaan hain. Kisi hungami surat mein emergency services se rabta karein ya hamari support se fori madad hasil karein.
Apki ride insured hai
Apki ride shuru se aakhir tak insured hai
... aur mazeed features
Dono seats ke liyehifazat
Hamare customers ki hifazat iinDrive ke liye utni hi aham hai jitna karobar mein insaaf ko farogh dena aur har shakhs ke liye barabar ke mauqay yaqeeni banana
Arsen Tomsky, inDrive ke CEOPact se act tak
inDrive Mexico mein nayi insurance coverage mutarif kar raha hai!
inDrive ne Mexico mein khawateen ki hifazat ke liye shuru kiye gaye initiative ke aham nataij pesh kiye.
Haqaiq ka inkashaf: Peru mein hamari pehli safety report!
Aksar poochay janay wale sawaalat
Kya inDrive mehfooz hai?
Hifazat inDrive ki sab se badi tarjeeh hai. Har user ko mehfooz tajurba faraham karne ke liye hum ne kai safety features mutarif karwaye hain, jin mein 24/7 support, identity verification aur incidents se nimatne ke procedures shamil hain. Users zyada control aur shaffafiyat ke liye drivers aur passengers ki profiles bhi dekh sakte hain. Hum apne safety measures ko behtar banane ke liye musalsal kaam kar rahe hain. Agar koi fori masla paish aaye, to hum users ko mashwara dete hain ke woh hamari support team ya mutaliqa muqami authorities se raabta karein.
Pakistan mein inDrive musafiron ke liye kaun si hifazati fetures pesh karta hai?
inDrive passengers ki hifazat ke liye kai safety features faraham karta hai.:
- In mein Choose Your Driver aur Verified Drivers.
- ke zariye driver assurance, apki privacy ke tahaffuz aur Ride Details share karne ki sahulat, aur emergency surat-e-haal ke liye Emergency Call Button, Emergency Contacts aur inDrive ki 24/7 Support shamil hain.
inDrive drivers ke liye kaun se safety features faraham karta hai?
inDrive drivers ki hifazat ke liye kai safety features faraham karta hai. In mein
- Choose Your Rider, Profile Verification aur Safe Feed
- ke zariye passenger ke baare mein maloomat hasil karna, emergency surat-e-haal ke liye Call Emergency, Share Your Ride Details aur Emergency Contacts, aur
- app ke andar hi dastiyab inDrive ki 24/7 Support shamil hain.
Kya inDrive ke saath meri zaati maloomat mehfooz rehti hai?
Doosre inDrive users ke saath apni contact details share karne ki zarurat nahin. Ap app ke andar hi apne driver ya passenger se raabta kar sakte hain. Call karne ke liye phone icon par tap karein aur agar kaha jaye to microphone ki permission dein. Message bhejne ke liye chat icon par tap karein. Do check marks is baat ki nishandahi karte hain ke apka message pohanch gaya hai.
Agar kisi haadse ki report ki jaye to kya hota hai?
Jab kisi waqiye ki report milti hai, to inDrive ehtiyatan mutaliqa afraad ke accounts ko aarzi taur par freeze kar deta hai. Hum waqiye ki mukammal tehqeeq karte hain, munasib iqdaamaat uthate hain aur zarurat parne par qanoon nafiz karne wale idaron ke saath taawun bhi karte hain. Is ke ilawa, tarbiyat yafta safety agents par mushtamil hamari team 24/7 support faraham karti hai.
