Agar musafir ya driver na aaye to kya hoga?
Driver mujhe nahi dhoond pa raha
Agar apka driver pickup point nahin dhoond pa raha, to app mein maujood calls ya chat ke zariye unse rabta karein.
Ap naqshay par driver ki location dekh kar un tak pohanchne ki koshish bhi kar sakte hain.
Musafir nahin aaya
5 minute intezaar karein aur musafir se rabta karne ki koshish karein.
Agar woh ab bhi nahin aye, to side menu kholein aur 'Ride mein masla' par tap karein. 'Musafir nahin aaya' muntakhib karein. Is surat mein musafir ki rating kam ki ja sakti hai ya yeh dobara hone par un ki profile block bhi ho sakti hai.
Musafir ne ride ki adaigi nahin ki
Kisi bhi masle se bachne ke liye, musafir ko apni gaari mein na rokein.
Jald se jald support ko report karein.
Hum maamlay ki jaanch karein ge aur apko natije se agah karein ge.
Musafir kisi aur driver ke saath chala gaya
Side menu kholein, 'Ride mein masla' par tap karein aur wajah muntakhib karein. Is par bhi musafir ki rating kam ya dobara hone par profile block ki ja sakti hai.
App se musafir ko kaise call karein
Jab musafir apki offer qubool karte hain to 'Call' button zahir hota hai.
Agar call connect na ho, to order qubool karein, phir inDrive app ko uninstall kar ke dobara install karein. Phir app khol ke permission mein ‘Phone’ allow karein. Apke phone ki settings khul jaengi: App ko calls karne ki ijazat dein.
Sirf ride mukammal hone se pehle call karein
Ride mukammal hone ke baad, musafir ko call karne ya paigham bhejne se gurez karein. Warna apki profile block kar di jayegi.
In app calls: Privacy aur tahafuz
In-app calling aur messaging apka phone number doosre users se chhupa kar rakhta hai.
In app calls kaise karein
Jab ap pehli dafa in app calls istemal karein, to barah-e-karam app ko microphone istemal karne ki ijazat dein. Warna call karna ya receive karna mumkin nahi hoga. App sirf calls ke liye apka microphone istemal karti hai. Ap apni phone settings mein ise tabdeel kar sakte hain.
Android users
Apke Android phone ke mutabiq, do tareeqay ho sakte hain:
- Settings>> Apps & notifications >> inDrive>> Permissions
ya Settings>> Apps >> Manage apps>> inDrive>> App permissions
iOS users ke liye
-iPhone Settings >> neeche scroll karein >> inDrive >> “Allow inDrive to access” mein permissions on karein.