inDrive account ko kaise unblock kiya jaye?
Musafir ke taur par apna account kaise bahaal karein?
1. App kholain aur woh phone number darj karein jo ap ne apne account ke liye istemal kiya tha, phir “Agla” par tap karein.
2. Apne phone par bheja gaya tasdiqi code darj karein.
Agar apko apne phone number tak rasai nahi hai, to barah-e-karam inDrive Support se rabta karein.
Driver ke taur par apna account kaise bahaal karein?
1. Side menu kholain, “Driver” chunnein aur “Mera account pehle se maujood hai” par tap karein.
2. Woh phone number darj karein jo ap ne apne account ke liye istemal kiya tha, phir “Agla” par tap karein.
3. Apne phone par bheja gaya tasdiqi code darj karein.
Ab bhi apka account bahaal nahi hua?
Apke paas phone number ke zariye apna account bahaal karne ke 5 mauqe hain. Is ke baad, dobara koshish karne ke liye apko 30 minutes intezar karna hoga. Ap “Tasdiq shuru karein” par tap karke naye driver ke taur par dobara tasdiq bhi kar sakte hain.
Agar apko apne phone number tak rasai nahi hai, to “Mere paas is number tak rasai maujood nahi” par tap karein aur apni shanakht ki tasdiq ke liye ID upload karein.
Account block kyun hota hai?
Darj zail wajoohaat ki bina par rating kam ho jaye to musafir ka account block ho sakta hai:
• Kam waqt mein kai qubool kiye gaye orders mansookh karna
• Jhoote ya na-munasib orders banana, jaise ishtiharat ya ghair-munasib mawaad wale orders
• Drivers ki taraf se zyada shikayatein milna
• Service ke mayaar ki khilaf-warzi karna
Agar apka account block hone ka khatra ho, to hum apko is ke bare mein ittila dein ge. Kuch blocks aarzi hote hain aur 30 minutes se lekar kai din tak reh sakte hain. Wajah ke mutabiq, kuch blocks mustaqil bhi ho sakte hain.