Kiraye ka hisaab kaise lagaya jata hai?

Kiraye ka hisaab kaise lagaya jata hai


Aik tajweez shuda kam az kam kiraya hota hai, jo ap ki location aur route ke mutabiq mukhtalif ho sakta hai. Musafir apni marzi ke mutabiq tajweez shuda ya us se zyada kiraya pesh kar sakte hain. Driver kiraya qabool kar sakte hain ya ek naya kiraya tajwez kar sakte hain.


Tajwez shuda kiraya kya hota hai


Yeh woh kiraya hai jo pickup aur destination points enter karne par khud ba khud nazar aata hai. Is ka maqsad apko ride ke liye munasib kiraya pesh karne mein madad dena hai.


Toll roads


Tolls apke maqam par munhasir hote hain, aur yeh apko ada karne hote hain, driver ko nahi. Jab ap kiraya pesh karein to screen par di gaye tips dekh lein.


Airport fees aur tolls


Airport fees aur tolls kiraye mein shamil nahi hote. 

Yeh apki zimmedari hai ke yeh fees ya toll safar ke doran ya baad mein ada karein.


Kiraya kaise tay karein


Driver ke liye kiraya pesh karne ke liye:


1. Apne pick up aur manzil ke points darj karein.

2. 'Apna kiraya offer karein' par tap karein aur woh raqam darj karein jo ap dena chahte hain.

3. 'Driver dhoondain' par tap karein.

4. Drivers apka kiraya qabool kar sakte hain ya ek aur tajwez de sakte hain. Woh tajwez chunein jo apke liye behtareen ho.


Agar driver doosra kiraya tajwez kare


Driver hamesha ek mutbadil tajwez de sakte hain.

Ap intezar kar sakte hain ke koi aur driver apka kiraya qabool kare, ya ek naya kiraya pesh kare, ya mutbadil tajwez qabool karein. Drivers se milne wali tajwez ki koi had nahi hai.


Safar ke doran kiraya tabdeel karna


Yeh mumkin nahi hai. Ap sirf kiraya us waqt tabdeel kar sakte hain jab ap apni ride offer bana rahe hon.


Agar driver zyada paise mange


Driver kiraya qubool karne ke baad zyada paise nahi mang sakte, na app mein aur na hi zaati tor par. Agar ap safar shuru karne se pehle order mansookh karna chahte hain to barah e karam mansookh karein aur wajah darj karein. Agar driver safar mukammal hone ke baad paise mange, to sirf app se kiraya ada karein aur yeh masla inDrive Support ko report karein.